O Diario Oficial de Galicia (DOG) publicará a orde da Consellería de Educación, Universidade e Formación Profesional pola que se convocarán as prazas de residencia nos centros residenciais docentes (CRD) da Coruña, Ourense e Vigo para realizar estudos postobrigatorios non universitarios.
O obxectivo é facilitar o acceso á educación superior ao alumnado que se escolariza en localidades distintas ás do seu domicilio habitual, motivado polo feito de que os estudos que realiza non se imparten en ningún centro sostido con fondos públicos da súa localidade de residencia nin noutra próxima que lle permita o desprazamento diario con facilidade.
As vacantes ofertadas poderanse consultar na páxina web e taboleiro de anuncios dos CRD aos tres días da publicación da convocatoria. O alumnado solicitante que obteña praza terán dereito de reserva ata que complete os estudos dun nivel formativo concreto que de lugar á obtención dun título académico, sempre que non repita curso e non variasen as circunstancias que se tiveron en canta para a adxudicación inicial.
Ningún comentario:
Publicar un comentario
Nota: só un membro deste blog pode publicar comentarios.