29 febreiro 2024
28 febreiro 2024
PROBAS DE AVALIACIÓN DE APTITUDES MOTRICES PARA A ADMISIÓN AOS ESTUDOS DE GRAO EN CIENCIAS DA ACTIVIDADE FÍSICA E DO DEPORTE
Nesta páxina preséntase o formulario de inscrición en liña e documentos
que fan referencia ás Probas Específicas de Admisión aos estudos de Grao
en Ciencias da Actividade Física e do Deporte da Facultade de Ciencias
do Deporte e a Educación Física da Universidade da Coruña.
Para efectuar a matrícula nas Probas Específicas de Admisión deberá
cubrirse o formulario en liña de inscrición, e entregar na Secretaría do
Centro os documentos que se indican nas instrucións para a inscrición.
21 febreiro 2024
COMIC: OS PERIGOS DE INTERNET
Un cómic para aprender a usar as redes sociais.
Xunta e Valedor editan un cómic para concienciar a mozos e pais sobre os perigos do mal uso das redes sociais
O Valedor do Pobo e a Consellería de Traballo apoiaron a edición dun cómic educativo que pretende concienciar a mozos/as e pais/nais sobre os perigos do mal uso das redes sociais e da internet. A publicación, titulada 'Os perigos da internet', presenta un marcado "carácter pedagóxico", a través de "situacións realistas" que pretenden que tanto os adolescentes como os seus pais "sentan identificados". Caderno de historietas con 12 páxinas interiores máis cubertas en cor. Cómic dirixido aos escolares e as súas familias cuxo argumento viraba ao redor do ciberacoso e os problemas de perda de intimidade xurdidos dun uso inapropiado das redes sociais e internet entre os mozos que editou o Valedor do Pobo e a Consellería de Traballo e Benestar, a través da Dirección Xeral de Xuventude e Voluntariado da Xunta de Galicia.
Comic: OS PERIGOS DE INTERNET
16 febreiro 2024
AXUDANDO A CRECER CANDO CAMBIAN OS MARCOS
Alexandre García Caballero
Psiquiatra e Doutor en Medicina
Novas condutas adictivas e novos patróns de relación e convivencia… un cambio social que está a deixar unha pegada importante nas novas xeracións.
Nesta sesión, dirixida a profesionais da docencia, Alexandre García Caballero falará sobre como se pode traballar desde a aula para potenciar o benestar emocional dos nosos mozos.
Psiquiatra e Doutor en Medicina, Alexandre García Caballero é o coordinador de Programas de Prevención e Promoción da Saúde Mental do Servizo Galego de Saúde e coordinador do programa YAM en España.
Foi Profesor asociado de Psiquiatría na Universidade de Santiago de Compostela e traballou na investigación da cognición social e o suicidio.
Autor de numerosos artigos internacionais, recibiu, entre outros, o Premio Ramón Piñeiro de Ensaio polo seu libro “Psicopatoloxía do Retorno” e o Premio Albert Jovell de Humanización en medicina 2018.
Na actualidade, Alexandre García Caballero é un dos principais referentes do programa Youth Aware of Mental Health -YAM en España para a prevención do suicidio entre os mozos.
“Sempre existirán fontes de estrés para os menores, pero podemos mostrarlles as ondas e axudarlles a empezar a surfearlas”
YAM foi avaliado en varios países da UE nunha investigación na que participaron máis de 11.000 mozos, conseguindo resultados moi positivos. En Europa, está a aplicarse en Suecia, Noruega, Reino Unido ou Austria e, desde xaneiro de 2024, a Xunta de Galicia farao de forma graduada ata alcanzar a todos os alumnos de ESO dos centros públicos e privados de Galicia en 2016.
YAM foi avaliado en varios países da UE nunha investigación na que participaron máis de 11.000 mozos, conseguindo resultados moi positivos. En Europa, está a aplicarse en Suecia, Noruega, Reino Unido ou Austria e, desde xaneiro de 2024, a Xunta de Galicia farao de forma graduada ata alcanzar a todos os alumnos de ESO dos centros públicos e privados de Galicia en 2016.
15 febreiro 2024
10 febreiro 2024
05 febreiro 2024
01 febreiro 2024
PROGRAMA A PONTE- USC 2024
O mércores día 31 de xaneiro de 2024 o alumnado de 1º de bacharelato visitaba a cidade de Santiago de Compostela, acompañado por profesorado do centro, coñecía pola mañá algunha facultade da súa elección, a mediodía comeron no comedor universitario e pola tarde visitamos o Museo do Pobo Galego.
30 DE XANEIRO 2024, DÍA DA PAZ-APERTAS DE BALDE
Como cada ano, o departamento de orientación celebrou o día da Paz co alumnado de 4º ESO. Este curso estivemos en dous centros: fumos ao CEP FLEMING para entregar uns calendarios e unhas apertas ao alumnado e aos mestres/asde 6º de EP que virán o próximo curso para o noso centro, e fixéronlle unha entrevista inicial.
Logo estivemos facendo entrega dos "ladrillos da Paz"que fixemos no insituto, ao EEI VILA LAURA. Alí participamos da festa que tiñan organizada os máis pequenos.
E para rematar, un momento dulce, comemos unhas fresas azucaradas e con nata. Unha delicia.
24 xaneiro 2024
A GUERRA NUN MINUTO
Estes impactantes vídeos da ONG "Save the Children" pretenden concienciarnos sobre as consecuencias das guerras, coa mirada posta nas últimas guerras destes anos, a de UCRAÍNA e a de GAZA, pero aplicable a calquera guerra.
Os vídeos quixeron recrear como sería o drama da guerra no Reino Unido cunhas impactantes imaxes. "Podería pasar isto algunha vez aquí?" pregúntase a organización, que mostra os terribles efectos da guerra nos nenos.
Imos a visionalos con moita atención e despois, seguindo as indicacións do teu titor/a, teremos un debate colectivo sobre eles.
O primeiro vídeo mostra como sería a guerra en Londres... ou en Madrid... ou en calquera das nosas cidades. En poucas horas, en poucos días... a nosa vida cambia como nunca nos puidésemos imaxinar. Igual que lles pasou aos nenos en Ucraína, ou lles pasou antes en Siria nestes últimos anos. Comeza o día en que unha nena inglesa cumpre 8 anos e mostra aspectos da súa vida diaria en Londres, na súa casa, coa súa familia e os seus amigos. A situación cambia drasticamente cando chega a guerra e con ela o medo, a falta de alimentos e medicinas. A cara da pequena reflicte ao longo do minuto e medio da montaxe ese cambio brutal que pasa do rostro de felicidade inicial á angustia e ao medo no momento en que estala a guerra. O vídeo termina co lema "Que non o vexas, non quere dicir que non ocorra".
Nestoutro, co título "Está a pasar.Está a pasar aquí" móstrase a viaxe dunha nena refuxiada en dous minutos. Igual que lles pasou a tantos mozos/as sirios...
No vídeo, a nena protagonista abandona o seu fogar asediado polas bombas; dorme á intemperie; viaxa nunha barcaza soa e termina naufragando no medio do mar. É rescatada e atendida nun hospital. Unha ficción que por desgraza non sempre se cumpre na realidade:
A guerra afecta a todas as persoas,... pero especialmente aos nenos/as, como nos lembra a ONG "Save the Children" que traballa por eles/elas.
CANTO CUSTA ESTUDAR NAS UNIVERSIDADES ESPAÑOLAS?
Non é ningún secreto que as universidades públicas adoitan ser as máis baratas. Pero o que moita xente non sabe é que o custo de estudar nunha universidade pública cambia moitísimo en función de que estudas, e en que comunidade estúdalo.
Para dar un exemplo, estudar Medicina nunha universidade pública en Andalucía custa 757 € ao ano, mentres en Navarra costa 70% máis, chegando a 1.283 €. Unha diferenza de 526 € ao ano! Desde logo, son datos a ter en conta. Como se calculan estes prezos? Agora explicámolo.
Tanto en universidades públicas como nas privadas, o custo da matrícula que pagas cada ano obtense multiplicando o número de créditos nos que che matriculas polo custo por crédito. O normal é que durante cada ano da túa carreira curses 60 créditos. Con este dato, agora só che falta saber o custo por crédito.
21 xaneiro 2024
DIA INTERNACIONAL DAS APERTAS
Cada 21 de xaneiro celébrase o Día Internacional da Aperta, unha idea que tivo o psicólogo norteamericano Kevin Zaborney nos anos 80 do século pasado tras comprobar que este simple xesto era capaz de reducir o estrés, mellorar a saúde mental, emocional e mesmo física.
FELIZ DÍA DAS APERTAS
18 xaneiro 2024
ESCOLA DE FAMILIA
Onte mèrcores tivemos a primeira charla-reunión de ESCOLA DE FAMILIA do IES DO CASTRO deste curso; participaron as familias (pais/nais/titores e titoras legais do alumnado de 2º ESO) que se acercaron ao instituto para asistir a dita charla.
O tema era "A FAMILIA COMO FACTOR PROTECTOR FRONTE Á ADICCIÓN", que estivo a cargo de Andrea da asociación Érguete. Falou dos factores que poden influir no consumo de drogas, dos factores de protección, da intervención desde a familia...
Dito tema traballouse no primeiro trimestre co alumnado de 2º ESO nos tallares que se realizaron nas horas de titorías.
Grazas ás familias pola súa asistencia.
16 xaneiro 2024
PROBAS DE ACCESO AOS CICLOS FORMATIVOS: CM CS 2024
Toda a información e a documentación referente ás probas de acceso aos ciclos formativos poderá consultarse dentro da pestana “Probas” do menú da páxina web http://www.edu.xunta.gal/fp.
11 xaneiro 2024
Subscribirse a:
Publicacións (Atom)