06 marzo 2022
DISCIPLINA
A palabra “disciplina” en realidade significa ensinar. Pero algunhas persoas, algúns pais, nais e profesores/as, cren que “disciplina” significa “castigo”, cando en realidade significa ensinar. O que lle diría a un pai, nai, profesor/a que só castiga é que o castigo pode limitar o comportamento, pero non ensina ningunha habilidade, é iso o que queren facer cos seus fillos/as? Só castigalos?
Porque os estudos dino moi claro, cando os nenos/as aprenden que todo o que fan é porque sentiron un impulso, conseguen entender mellor ese impulso e controlar o seu comportamento moito máis profundamente.
Fan todo tipo de cousas en público e en privado cando senten que teñen o dereito para facelo, mesmo cando lles castigaron por iso. Cando ese neno ou nena ao que ensinaron esas habilidades penétrase no mundo, establece conexións sociais con outros nenos/as ou cando accede ao mundo laboral, ten unhas capacidades totalmente diferentes para a resiliencia e para a colaboración afectiva. Mentres que alguén que creceu a base de castigos ve o mundo como unha serie de transaccións empresariais. Todo vai sobre min e vou tentar ir á marxe da lei, tentarei evitar as preguntas e mentres poida seguir facéndoo todo irá ben porque consigo o que quero. Un mundo así é aterrador.
01 marzo 2022
24 febreiro 2022
GRAO XESTIÓN CULTURAL
O Grao en Xestión Cultural ten como obxectivo principal formar a profesionais que desenvolverán a súa actividade no ámbito da xestión da cultura, ben ao servizo de institucións públicas ou privadas ou orientando a súa actividade cara ao mundo da empresa.
23 febreiro 2022
DÍA 23 DE FEBREIRO DE 2022, DÍA DE ROSALÍA
Rosalía de Castro naceu un 23 de febreiro de hai 185 anos. Coincidindo con esta efeméride, este mércores os actos na súa honra multiplícanse por toda Galicia, para conmemorar o nacemento da que é a escritora galega máis universal.
Este é o primeiro ano que o Día de Rosalía de Castro celébrase un 23 de febreiro e non un 24. O cambio prodúcese despois de que o filóloga Sagrario Abelleira revelase unha documentación que acredita que a autora de Follas Novas e Cantares Gallegos nacería un día como hoxe.
Esa documentación atopouse no expediente matrimonial de Rosalía de Castro e Manuel Murguía. Ambos casaron en Madrid no ano 1858 e entre os papeis desa ligazón figura unha declaración de 1843 feita pola nai de Rosalía na que indica que a autora naceu o 23 de febreiro. Ata o de agora celebrouse o día 24 porque se sabía que esa era a data do seu bautismo.
20 febreiro 2022
NOVOS GRAOS UNIVERSITARIOS NO SISTEMA UNIVERSITARIO GALLEGO NO CURSO 2022-2023
Para o curso 2022/2023 termos novidades na oferta de titulacións de graos no SUG.
As tres Universidades galegas teñen proxectado implantar novos títulos universitarios para o próximo curso 2022-2023.
• Grao en Deseño: Terá dúas mencións, unha mención en Deseño de moda e outra mención en Deseño Gráfico e Dixital.
• Grao Dual en Enxeñaría da Automoción: Alternará a formación no centro de estudos e a empresa.
• Grao en Innovación Gastronómica e Xestión Hoteleira (Centro Superior de Hostalería de Galicia). Será un grao Dual, polo que alternará a formación no centro de estudos e a empresa. Este novo título supón a extinción do título propio da USC Diploma Superior en Xestión Hostaleira.
• Grao en Relacións Internacionais (grao interuniversitario entre a Universidade de Vigo e a Universidade de Coruña). Terá dúas mencións, unha mención en Cooperación para o desenvolvemento, outra mención en Xestión de proxectos e negocios internacionais.
• Grao en Intelixencia Artificial (grao interuniversitario entre a Universidade de Vigo, Universidade de Coruña e Universidade de Santiago de Compostela)
SUSPENDIDAS AS PROBAS DE APTITUDES PARA O ACCESO AO GRAO EN CIENCIAS DA ACTIVIDADE FÍSICA E DO DEPORTE CURSO 2022/2023
As dúas universidades galegas que imparten o Grao en Ciencias da Actividade Fisica e do Deporte, Universidade de Vigo e Universidade de A Coruña, publicaron unha resolución na que se informa de que as probas de aptitudes para o acceso ao grao quedan suspendidas para os efectos de admisión no curso 2022/2023 por mor do COVID.
Como consecuencia desta suspensión o acceso ao grao de Ciencias da Actividade Física e do Deporte será como no resto dos graos, basearase unicamente na nota de admisión dos solicitantes, e segundo as normas xerais de acceso á universidade da CIUG.
15 febreiro 2022
10 febreiro 2022
07 febreiro 2022
PROCESO DE ADMISIÓN CURSO 2022/2023
CALENDARIO DE PROCESO DE ADMISIÓN CURSO 2022/2023
|
Reserva de praza para o centro ao que se estea adscrito |
Do 11 de xaneiro ó 8 de febreiro |
|
Data do sorteo público da letra a efectos de desempate |
Última semana de febreiro |
|
Publicación de postos escolares vacantes |
Antes do 1 de marzo |
|
Presentación en prazo ordinario de solicitudes de admisión (alumnado que cambie de centro para seguir cursando a mesma ensinanza ou para estudos superiores nun centro non adscrito) |
Do 1 ao 20 de marzo |
|
Presentación documentación acreditativa dos criterios de baremo |
10 días hábiles, a partir dos 2 días seguintes ao remate do prazo para presentar as solicitudes de admisión |
|
Publicación das listaxes provisionais de persoas admitidas e non admitidas |
Antes do 25 de abril |
|
Reclamacións (realizarase ante o Consello Escolar nos centros públicos, e ante o titular nos centros privados concertados) |
Prazo máximo de 5 días hábiles a partir do día seguinte á súa publicación |
|
Publicación das listaxes definitivas de persoas admitidas e non admitidas |
Antes do 15 de maio |
|
Formalización da matrícula en Educación Infantil e Primaria |
Do 20 ó 30 de xuño |
|
Formalización da matrícula en ESO e bacharelato |
Do 25 de xuño ó 10 de xullo |
|
Prazo extraordinario de formalización de matrícula en ESO e bacharelato |
Do 1 ó 10 de setembro |
CALENDARIO DE MATRICULACIÓN:
• Educación Secundaria Obrigatoria e Bacharelato: do 25 de xuño ao 10 de xullo.
• Prazo extraordinario para ESO e Bacharelato: do 1 ao 10 de setembro.
NORMATIVA: - Instrucións do proceso de admisión 2022/2023 na web da Consellería de Educación. - ORDE do 18 de decembro de 2020 pola que se modifica a Orde do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos. - Orde do 25 de xaneiro de 2017 pola que se modifica a Orde do 12 de marzo de 2013 pola que se desenvolve o procedemento para a admisión do alumnado.- Decreto 254/2012, do 13 de decembro: Admisión de alumnado en centros docentes sostidos con fondos públicos (DOG) - Orde do 12 de marzo de 2013 pola que se desenvolve o procedemento para a admisión do alumnado (DOG)
28 xaneiro 2022
18 xaneiro 2022
KTORCE 18: PREVENCIÓN DE CONDUTAS INFRACTORAS
ARELA, dará unhas charlas divugativas para 3º ESO C e 3º ESO D, nos que se pretende informar sobre como previr os delitos.
Para cada taller temos uns cuestionarios a través da web da Fundación Barrié que precisamos que sexan cubertos, é moi importante para nos poder medir o impacto da aprendizaxe, polo que te agradezo que insistas moito niso.
A charla de prevención de condutas infractoras ten un cuestionario pre (antes do taller) e un cuestionario post (despois do taller). As contrasinais son 1418.
O enlace É:
https://fundacionbarrie.org/Ktorce-18 e os link para cada momento son os seguintes:
Para a charla Ktorce-18 de prevención de conductas infractores terían que cubrir:
-1º previo á realización do taller, o seguinte cuestionario cuxa contrasinal de acceso é: 1418 https://docs.google.com/forms/d/17DqhXakRfNcdd2num9i0VZmli1HlNJ3FbyPBlU8WaqA/viewform?edit_requested=true
-2º unha vez finalizado o taller, cubrirían o cuestionario posterior coa mesma contrasinal de acceso: 1418 https://docs.google.com/forms/d/1s57_5Sp52gJtA8wjdU9bqLKHTIz5lxxGewpOOeavYQI/viewform?edit_requested=true
CHARLAS:
VENRES, DÍA 28 DE XANEIRO 2022
9:00 - 10:40 H: 3º ESO D
10:40 - 12:50 H: 3º ESO C
13 xaneiro 2022
09 xaneiro 2022
A ANSIEDADE
A ansiedade pode describirse como un sentimento de inquietude, nerviosismo, preocupación, temor ou pánico polo que está a piques de ocorrer ou pode ocorrer. Mentres que o medo é a emoción que sentimos en presenza dunha ameaza, a ansiedade é unha sensación dun perigo, problema ou ameaza que está por suceder.
Como saber se o que teño é ansiedade?
Os signos e síntomas da ansiedade máis comúns inclúen os seguintes:
- Sensación de nerviosismo,
- Axitación ou tensión.
- Sensación de perigo inminente, pánico ou catástrofe.
- Aumento do ritmo cardíaco.
- Respiración acelerada ( hiperventilación).
- Sudoración. Tremores.
- Sensación de debilidade.
GUÍAS DE AUTOAXUDA:
A CARREIRA DO PRIVILEXIO
Si nalgún momento os profesores e profesoras de cursos superiores queredes traballar os conceptos de liberdade, igualdade, xustiza social, .... acá tedes un video para comezar.
ABAU 2022 -ALUMNADO CON NEAE
As adaptacións que pode prestar a CiUG están recollidas nos Anexos I e III. Só se farán adaptacións para estudantes que xa tiveron estas adaptacións no Bacharelato ou Formación Profesional. Estas medidas poderán consistir na adaptación dos tempos, a elaboración de modelos especiais de exame e a posta a disposición do estudante dos medios materiais e humanos, das asistencias e apoios e das axudas técnicas que precise para a realización das avaliacións e probas que establezan as Universidades, así como na garantía de accesibilidade á información e a comunicación dos procedementos e ao recinto ou espazo físico onde estes se desenvolvan. Prazo de solicitudes
Para que a CiUG poida levar a cabo as medidas que se determinen, a data límite para o envío de solicitudes será o 04/02/2022, salvo casos excepcionais que xurdan con posterioridade.
Subscribirse a:
Publicacións (Atom)